Reglanan
E REGLA Y CONDICIONAN DI E CAMPAÑA
“Gana un Suzuki S- Presso 2026” cu Presidente” (e “Campaña”)

1.Eligibilidad
a) E Campaña aki ta organisa pa Aruba Trading Company (E Promotor).
b) E Campaña aki ta habri pa tur persona di edad 18+, excluyendo empleadonan di e promotor of nan famia immediato, companianan associa of cualkier otro persona associa profesionalmente cu e administracion di e Campaña aki.
c) Compra ta necesario pa por participa cu e Campaña aki.
d) E Promotor ta encurasha consumo responsabel. Porfabor tuma nota cu apesar ta apoya pa participa y disfruta e beneficionan di e Campaña aki nos ta kere den consumo responsabel di nos productonan. No cumpra mas producto cu por consumi responsabelmente of simplemente pa participa den e Campaña aki.

2. Periodo Promocional
a) E Campaña aki ta core di 27 di October 2025, y ta finalisa 30 di Januari 2026.

3. Con pa Participa
Pa participa e cosumidor mester:
a) Bucket: Cumpra un bucket di Presidente 9.6oz (285ml) serca bo bar di gusto y pidi pa bo scratch card. Raspa e caarchi y revela un series di number unico, un codico, scan e QR – Code, log in of registra y pone e codico pa participa.
b) Caha: Cumpra un caha di Presidente 9.6oz (285ml) serca bo supermercado di gusto y ricibi un scratch label den e caha. Raspa e label y revela dos series di number unico, dos codico, scan e QR – Code, log in of registra y pone e codiconan pa participa.
c) Despues di subministra e codico bo ta ricibi un notificacion si e codico ta correcto y cu bo ta participando pa gana e Premio Maximo. Tambe lo ricibi un email cu e codico cu a wordo subministra. E codico aki lo wordo agrega na bo account personal riba e website di e Campaña.
d) Bo por drenta e Campaña di “Presidente gana un Suzuki S- Presso 2026” uzando bo smartphone – tablet of computer.

4. Premionan
Tin diferente premionan disponibel durante e Campaña consistiendo di:

Premio Maximo

• Un (1) Suzuki S-Presso 2026 (auto), incluyendo un (1) aña cobertura di seguro di auto.

Premionan Instantaneo

• Presidente Openers, Presidente T- Shirts – Presidente Caps – Presidente Speakers

5. Seleccion y Notificacion di Ganador
a) Premio Maximo: e Premio Maximo, un (1) Suzuki S-Presso 2026 (auto), incluyendo un (1) aña cobertura di seguro di auto, lo bay via un sorteo audita independientemente y verifica por medio di un proceso di seleccion digital di tur entrada di codico entre 27 di October te cu 30 di Januari 2026.

E sorteo di e Premio Maximo lo tuma lugar riba 30 di Januari 2026.

b) Premionan Instantaneo: tur Premionan Instantaneo lo wordo determina dor di weganan ehecuta na cada sitio di activacion. Ta posibel pa gana e premionan instantaneo dor di ta presente durante activacion, yama “Rumba Presidente”. E momentonan di activacion, “Rumba Presidente” ta disponibel durante e periodo di promocion di e Campaña riba nos website of nos pagina di social media.

6. Condicion Premio Maximo
a) e ganador di e Premio Maximo ta bay di acuerdo pa mantene e diseño e “wrapping di Presidente” riba e Suzuki S- Presso 2026 (auto) pa un periodo di seis (6) luna. E periodo stipula ta 30 di Januari 2026 – 30 di Juli 2026.
b) E Promotor ta reserva e derecho pa verifica e identidad di e ganador, incluyendo y no limita na, confirmacion cu e ganador ta 18+ di edad. E Promotor tambe ta reserva e derecho den descrecion absoluto pa exclui e ganador di participacion pa e Premio Maximo si den cualkier momento e participante no logra pa complace e direccionan di e Promotor of di cualkier compania associa cu e Premio Maximo, of si e ganador actua  na un manera peligroso cu nan mes of cu e publico of den e opinion di e Promotor, ta demostra actitud anti – social den cualkier forma of manera  cu ta causa incomodidad na otronan.
c) E ganador ta permiti e Promotor pa haci uzo di su nomber y potretnan pa anuncia e ganador di e Campaña. E Promotor ta mantene e derecho pa publica nomber y potret di e ganador.

7. Entrega di Premio Maximo
a) E Premio Maximo lo wordo entrega na e ganador na momento cu tur documento ta na ordo y proceso di entrega keda finalisa.

General
a) E Premio Maximo ta estrictamente intransferibel y no por reembolsa ni intercambia na balor monetario y tampoco pa ningun forma di compensacion. No ta permiti pa bende e Premio Maximo di ningun forma, sea via internet, corant of di otro manera.
b) Participantenan cu a participa cu e Campaña aki ta di acuerdo cu nan informacion personal por wordo uza cu proposito di administracion di e Campaña y den conneccion cu cualkier motibo menciona den e Regla y Condicionan.
c) E Promotor ta reserva e derecho pa cambia, ahusta of kita e Campaña si ta necesario dor di circumstancia inevitabel fuera di su control cu ta haci esaki necesario, pero lo haci uzo di tur recurso pa minimalisa e efecto pa cu e participantenan pa evita disapuntacion innecesario.
d) E Promotor su decision ta final y concreto den tur circumstancia relatando na e Campaña.
e) Participacion cu e Campaña aki, bo persona ta acepta y ta di acuerdo cu e Regla y Condicionan.
f) Den e evento di discrepancia entre e Regla y Condicionan y e communicacion den cualkier material di promocion, e communicacion di e Regla y Condicionan ta prevalece.